Antonio Abril destaca a importancia da formación en competencias profesionais

O presidente do Consello Social da Universidade da Coruña, Antonio Abril Abadín, participou o pasado 12 de maio no Observatorio ‘Impulsar o emprendemento desde o sistema universitario’, organizado en El Economista baixo a dirección técnica da Fundación INCYDE (Instituto Cameral para a Creación e Desenvolvemento da Empresa).

Durante o encontro, o tamén presidente da Comisión Universidade-Empresa da Cámara de Comercio de España, destacou que “as empresas queren intraemprendedores e as competencias profesionais son moi importantes, pois son as que moven o mundo e as que consiguen os cambios nas empresas”. Neste sentido, Abril Abadín suliñou que o compromiso ético, as habilidades intrarrelacionais, a mentalidade internacional, o afán de innovación e a dirección de equipos, entre outras, “son algunhas das competencias que temos que introducir no sistema educativo”.

Para acceder ao artigo de El Economista coas principales conclusións do Observatorio, pulse aquí.

 

Comparte este artículo