Certame de creación gráfica
O Consello Social da Universidade da Coruña e a Fundación Centro Internacional de Estampa Contemporánea (CIEC) convocan anualmente un certame de creación gráfica, no que participan alumnos vinculados a algún programa de formación impartido por esta institución.
Para o desenvolvemento deste certame, as entidades organizadoras convidan novos artistas locais, nacionais e internacionais, alumnos ou antigos alumnos da Fundación CIEC, a presentar unha obra realizada en calquera técnica gráfica, inédita e inspirada nalgún edificio ou monumento que forme parte do patrimonio arquitectónico ou escultórico da Universidade da Coruña.
A través deste proxecto, o Consello Social da Universidade da Coruña e a Fundación CIEC pretenden contribuír ao fomento e á proxección da actividade artística en Galicia, estimulando a creatividade dos mozos que destaquen por demostrar especiais aptitudes no ámbito da arte gráfico.
Gañadores do Certame de Creación Gráfica do Consello Social da UDC:
2015, María Arce
‘Facultade de Ciencias do Deporte e a Educación Física da UDC. Bastiagueiro, Oleiros’
Ver a súa obra
2017, Aitor Razkin Satostegi
‘Centro de Investigación CITIC da UDC. Campus de Elviña, A Coruña’
Ver a súa obra
2018, Ángela Yachachín
‘Casa do Lagar, Campus de Elviña, Universidade da Coruña, A Coruña’
Ver a súa obra
2021, Elena Pastor González
‘Centro de Innovación Tecnolóxica en Edificación e Enxeñería Civil da Universidade da Coruña. (CITEEC-Campus de Elviña), A Coruña’
2022, Eduardo Pumariega ‘Facultade de Humanidades da Universidade da Coruña. (Campus de Ferrol), A Coruña’
Ver a súa obra
2023, Marilisa Lino
‘Centro de Investigación en Tecnoloxías Navais e Industriais (CITENI), Campus de Esteiro, Ferrol’
Ver a súa obra