“Incorpora capital risco se desexas que che axuden en estratexia e xestión”

“Incorpora capital risco se desexas que che axuden en estratexia e xestión”

O noso programa de emprendemento AddVenture contou cunha serie de actividades complementarias de alto nivel formativo. É o caso da master- class impartida por Inmaculada Rodríguez Cuervo, directora xeral de Unirisco, a primeira sociedade galega de capital risco vinculada a proxectos xurdidos das universidades e que baixo o seu mandato inicia unha nova etapa. Rodríguez Cuervo, quen é tamén membro do pleno do Consello Social da Universidade da Coruña, exerceu como mentora do alumnado de AddVenture ao longo do programa.

Aos participantes desta primeira edición trasladoulles a súa experiencia e coñecementos ligados ao mundo do emprendemento, o investimento, códigos éticos e sistemas de responsabilidade social corporativa nunha master- class titulada ‘O capital risco como ferramenta do emprendemento’.

Desde a súa perspectiva como parte do claustro do programa de formación en emprendemento AddVenture e como experta en financiamento, cales son as claves debe ter en conta aquel ou aquela que decide emprender un proxecto empresarial?

O primeiro é identificar se existe unha necesidade no mercado, consciente ou inconsciente no potencial cliente para aquilo que deseñamos, queremos promover ou sabemos facer moi ben. Esa é a primeira peza. Ás veces, os emprendedores nos obstinamos en crear sen contrastar que realmente alguén estará disposto a pagar por aquilo que ofrecemos. Aínda que, ollo, miremos, contrastemos, preguntemos, pero sen complexos, que tamén é un risco non emprender porque infravaloramos nosa proposta. O equilibrio entre ambos os aspectos, é esencial.

O financeiro é un aspecto que se ten pouco en conta cando se decide emprender?

Creo que é un dos aspectos que máis inquieta, tanto pola súa dificultade para calcular (necesidades, custos, marxes) como para obter. Cando se comeza, todos sabemos que é complicado, digamos que o provedor financeiro é o primeiro cliente ao que persuadir das bondades do noso proxecto e require esforzo, fe e perseveranza.

A falta de financiamento sempre foi un dos hándicaps para os emprendedores, que alternativas poden atopar a día de hoxe?

Cada vez existen máis empresas de capital risco, de apoio ao emprendemento, así como programas públicos, aceleradoras, pero é certo que aínda é insuficiente cando estás moi ao comezo, cando máis risco hai.

Capital risco vs. financiamento convencional

Cando debe recorrer o capital risco a un proxecto emprendedor?

Cando lle parece novo, con mercado posible, cun equipo comprometido e disposto a recibir axuda en xestión e fáltalles o diñeiro para poder poñelo en marcha.

Máis aló dunha idea nun sector con futuro e un equipo fundador comprometido co proxecto que está a levantar, que puntos son os que determinan que o capital risco –sexa pre-semente, semente ou para expansión- decida investir?

Algo moi importante é o “sentido común” do equipo, coherente e realista, con ilusión. Que posúan unha actitude real de ganas de aprender, humildade para admitir suxerencias e, por suposto, tecnoloxía-deseño novo, non un “eu tamén”.

Que aspectos debe analizar un emprendedor ou un equipo de emprendedores para recorrer a unha alternativa financeira ou outra? Que beneficios e que riscos entraña cada unha delas?

Se non só non che importa que che acompañen de forma activa, senón que desexas que che axuden en estratexia, xestión, …a solución é incorporar capital risco, que pode ser esa primeira “peza” financeira. Se queres facelo todo exclusivamente “ao teu modo”, financiamento convencional.

Unirisco, referente na contorna universitaria galega

Hai un tempo que ocupa a dirección de Unirisco, sociedade de capital risco referente na contorna universitaria galego, que ofrece Unirisco aos seus emprendedores?

Precisamente investimos en fases iniciais e acompañamos na profesionalización, desenvolvemento de negocio, estratexia, procura de financiamento… Nos “ remangamos” para traballar á beira do emprendedor/a. Cremos que iso é moito máis que o levar un control financeiro da marcha da empresa. Colaborar positivamente a que marche ben. Son das que creo que pensan máis 5 cabezas que dúas, iso si, coordinados e de forma leal. O emprendemento, como todo o demais, é sentido común, boa intención e ética.

Cales son as liñas estratéxicas de Unirisco a medio ou longo prazo? Como vai seguir potenciando o emprendemento e as start- up de base universitaria?

Actualmente Unirisco necesita unha ampliación de capital para poder atender todos os proxectos que chegan a nós. Cada vez é maior o número de solicitudes, o ticket investidor necesario para poder despegar e, sobre todo, a calidade dos proxectos, a súa novidade, a súa creatividade… Sería unha pena non poder alcanzar o volume de capital necesario e que houbese empresas que non saen por non poder acompañalas. Non esquezamos que Unirisco é a empresa de capital risco en Galicia que máis pronto entra, ninguén entra nas fases pre-sementes, de forma que, se nós non contamos co músculo suficiente, o ecosistema resentirase indubidablemente.

AddVenture ten un potente compoñente dixital no emprendemento, que peso teñen os proxectos TIC na carteira de investimento de Unirisco actualmente? Que os fai diferentes a outros para que Unirisco apostase por eles?

É unha das nosas principais liñas de investimento. Contamos con empresas como Ancora, Appentra, Situm e Tastelab, que son pioneiras no seu sector. Que estas empresas desenvolvesen solucións totalmente innovadoras para resolver problemas existentes en catas de alimentos, niveis básicos de produción ou xeoposicionamiento, foi decisivo. Pero, principalmente, contan cuns equipos directivos e promotores de primeirísimo nivel, no profesional e o humano, e iso tamén conta.

Comparte este artículo