A Conferencia de Consellos Sociais renova o seu Comité Ejecutivo

O pasado 11 de xuño celebrouse en Madrid unha reunión da Asemblea Xeral da Conferencia de Consellos Sociais de Universidades Españolas (CCS), na que, entre outros asuntos, se aprobou o nomeamento de tres novos vogais do seu Comité Executivo.

Incorpóranse ao Comité Executivo da Conferencia como vogais, Mónica Bragado, presidenta do Consello Social da Universidade Politécnica de Valencia (UPV); Joan Pedrerol, presidente do Consello Social da Universidade Rovira i Virgili (URV); e Ángel Tristán Pimienta, presidente do Consello Social da Universidade de Las Palmas de Gran Canaria (ULPGC).

Os novos vogais suplen as vacantes existentes no órgano de dirección da Conferencia tras o relevo de Antón Valero e Lothar Siemens, ex-presidentes do Consello Social da URV e da ULPGC, respectivamente, e a renuncia de Francisco Borja, presidente do Consello Social da Universidade Miguel Hernández.

En canto ao reparto das comisións de traballo, en substitución de Lothar Siemens, Julio Revilla, vicepresidente da CCS e presidente do Consello Social da Universidade de Huelva, pasa a estar á fronte da Comisión de Economía. Da Comisión Académica encargarase Antonio Abril, presidente do Consello Social da Universidade da Coruña, e da de Transferencia e Relacións coa Sociedade, Martí Fluxá, presidente do Consello Social da Universidade de Oviedo, en substitución de Ricardo Ladislao Azcona.

Durante a reunión, tamén se presentou o estudo ‘Consellos Sociais e orzamentos universitarios: guía básica’, froito da colaboración entre a Conferencia de Consellos Sociais e a Conferencia de Presidentes das Institucións Autonómicas de Control Externo de España.

Arquivos