Presentación de la segunda edición del Ranking CYD

Hoxe presentouse en Madrid a segunda edición do Ranking CYD, a clasificación independente de universidades españolas liderada pola Fundación CYD. O Ranking CYD é unha ferramenta que permite ofrecer aos estudantes información máis detallada sobre os resultados obtidos polas universidades e os seus ámbitos de coñecemento, e que ofrece aos responsables universitarios e políticos un instrumento para facilitar a toma de decisións.

O acto contou coa presenza de Xavier Prats, director xeral de Educación e Cultura da Comisión Europea, quen na súa intervención destacou que “o Ranking CYD é unha ilustración reveladora do moito que contribúen as universidades españolas ao coñecemento e desenvolvemento da sociedade, unha fonte de información indispensable para unha mellor toma de decisións, e un instrumento para aumentar o seu impacto”. Tamén asistiu Javier Monzón, presidente do Comité Executivo da Fundación CYD, quen manifestou que “a Fundación CYD quere contribuír ao progreso e excelencia das nosas universidades. O Ranking CYD é un eixe central nesta misión. Está concibido para que todos os interesados na universidade española poidan coñecela mellor, xestionala mellor e tamén aproveitar máis e mellor as súas capacidades e potencialidades”.

Dende hoxe están dispoñibles na web do Ranking CYD os datos das 60 universidades españolas participantes, que cobren a práctica totalidade das Comunidades Autónomas, e que inclúen 42 universidades públicas, 18 privadas e 3 a distancia. Os novos resultados inclúen un ranking institucional actualizado; clasificacións de sete ámbitos de coñecemento (aos ámbitos da primeira edición, empresariais, física, enxeñaría eléctrica e enxeñaría mecánica, engadíronse tres novos ámbitos: medicina, psicoloxía e informática) e, como novidade respecto á primeira edición, a universidade en 4 datos: a posibilidade de acceder a un ranking de valores absolutos de estudantes, profesorado, publicacións e patentes.

Máis información

Comparte este artículo

Arquivos